SEEC SOCIETAS HISPANA STVDIORVM CLASSICORVM

De postrema sessione nuper habita

2011-12-03T12:57:00.000-08:00

Die 17 mensis novembris primam habuimus sessionem ad scholare hodiernum tempus pertinentem: quae enim sessio, duas in partes cum divisa fuerit, illud praecipue speciosi habuit, quod professor cathedarius ille c. n. Ioannes Carolus Iglesias Zoilo, linguam Graecam apud Baeticos plerumque docens, lautissimam habuit pulcherrimamque acroasim de Orpheo poeta illo Graeco quasi in fundamentis sive incunabulis fabularum musicarum postea quas apud nos Europaeos cives multi qui composuerint fuerint ponendo collocando credendo reputando.

Modis enim musicis additis, quos professor adhibens praeclarum nobis omnibus circumstantibus de argumento tractando exemplum specimenque dedit, filum historiae ita est noster persecutus, ut quos ad finem allocutionis non ex imo corde plauserint raro invenisses.

Habeas, lector suavissime, nonnulla de eo infra documenta

Iam secundam in partem sessionis ut intremus, Iesu Nieto praeside nostro iubante rarissimi inter socios sodales convenimus eo animo, ut conspectum haberemus nostrae sodalitatis compertum ad res oeconomicas moderandas nostras, ad consilia nova hoc anno ineunda, ad auxilia sive instrumenta quibus maiorem apud nos peritiam rerum didascalicarum notitiamque scientiae nostrae habere possimus constituenda: adde quoque illud, quod perlucide patet consuetudinem maiorem arctioreque vinculo coniungendam nobis omnibus qui Societatem Legione conformamus cupiendam faciedam roborandam esse.

Quibus de omnibus rebus fusius altiusque nuntium notitiamque quemquam mox mox habituros bene speramus.

Valeatis omnes quam optime!

De novissima huius anni sessione habenda

2011-06-02T07:22:00.000-07:00

Iuvat nuntiare proximo die 9, die scilicet Iovis, ultimam huius anni habendam sessionem, quam totam ad vestigia sive reliquia quaedam Romana apud nos servata conspicienda lustrandaque dicandam esse constat.

Quae enim vestigia ducibus professoribus illis q.n. Georgius Sanchez-La Fuente atque Alba Fernandez Freire socii amici sodales fautoresque visere possent, quibus professoribus cura atque scopus apud Museum Legionense lapides quasdam monstrandi explanandi significandi erit, quibus explicatis in muro lustrando ea melius clariusque recognoscere reliquia postea valeamus.

Sat autem illud animadvertas rogo, ut praeconium iam aliquot abhinc dies omnibus sociis praemissum sit, quo die 6 -Lunae die- excursionem celebrandam falso nuntiabatur, id quod facere numquam posses, si mente tenes illis diebus Lunae singulis musea singula apud nos, qui in Hispania versamur, portas clausas tenere assuescunt.

Si quis tandem de hora locoque rogaverit, ecce: nobis conveniendas sunt fores Musei Legionensi hora quinta postmeridiana, quo confecto grege Museum intrabimus, atque vestigiis conspectis ullis, per horam totam plus minus murum Romanum petemus. Finis excursionis circa horam septimam et dimidiam faciendus creditur.

Socii amici sodalesque inceptum participaturi ut nuntium de sententia sua variis modis adhibitis ad sedem Societatis nostrae ante diem quartum huius mensis remittere rogantur, de quo in antecessu gratulandi sunt.

Valeatis omnes quam optime!

De postrema sessione habita compendianda

2011-05-13T13:42:00.001-07:00

Die 12 huius mensis Maii, die nempe Iovis, Iesu Nieto praeside nostro iubante ministranteque sessio postrema nostrae Societatis celebrata est. Quam sessionem, duas in partes divisam, non rari convenerunt sodales amicique.

Occasione hac adhibita, cum sodales qui moderationem necnon rem curant pecuniariam primo a conventu discessissent, ad alteram transivimus partem, in qua profestrix illa cathedraria apud Matritenses nomine Elisabetha Velázquez de sermone Latino ad artem architectandi incrementando apud Vitruvium disseruit, idque perbelle!

Qua acroase ita optime habita, praemia ad Certamina Graeca et Latina atque ad Certamen Ciceronianum pertinentia reddenda erant, id quod Iesus atque Emmanuel, quorum alter praeses, alter autem nostrae societatis secretarius, benigne fecerunt: en vobis imagines, quibus ea apud nos hoc die quae facta sunt monstrare illustrareque voluerimus.

Omnibus ergo discipulis discipulabusque congratulationes agimus plurimas, atque omnia bona omina in proximum ominamur annum!

De proximo conventu habendo

2011-05-05T07:50:00.000-07:00

Praeside nostro Iesu Nieto imperante iuvat novum conventum habendum vulgare, qui quidem conventus deis deabusque omnibus faventibus proximo die 12, die nempe Iovis, inde ab hora quinta et dimidia postmeridiana suum initium capiet.

Animadvertatis omnes, quibus nostri negotii ulla cura sit, illud oporteret, ut praeconio necnon rerum agendarum programmate perspectis non soli, sed sive sodalibus sive discipulis potius comitati vestris ad nos adveniatis, tali autem modo ut quaecumque sint agenda participare fovere amplificare quamtum fieri potest velitis.

Conspiciatis ergo si fas programma infra quod monstratur

De Conventu ad Societatem Hispanam Studiorum Classicorum (apud Legionenses

Omnes frequentiores exspectatissimosque adveniatis! Valete!

De postrema sessione habita compendianda

2011-01-16T14:11:00.000-08:00

Die 17 mensis Novembris praeside Iesu Maria Nieto atque Mario Crespo Emmanueleque Seoane comitantibus adiuvantibusque in auditorio scholastico quodam apud Facultatem ad Philosophiam Litterasque sito postrema exeuntis anni nostrae fuit Societatis sessio. Quam sessionem plurimi sodales ea proh dolor ratione consuetidineque secuta cui iam asuescere videmur cum non convenissent, pauci nostrum quae subsequuntur consilia inceptaque conficienda decreverunt:

Primum omnium certamina ea duo, quorum alterum ad cultum classicum, alterum vero ad textus Latinos in Hispanicum sermonem convertendos necnon ad discípulos discipulasque comprobandos donandosque pertinent tenenda roborandaque quamtum possumus visum est.

Adde etiam quod praeter illa eademque sueta duo alia sunt celebranda certamina, alterum enim ad Ciceronem cognoscendum convertendumque, alterum vero ad Olympiada discipulorum de cultu humanitateque classicis certantium participanda.

Placuit quoque epistulam quandam ad omnes nostrae Societatis Legionenses sodales mittere, cuius ope ei de inceptis singulis nostris deque novis consiliis placitisque proponendis constituendisque certiores fieri possint: sunt enim nonnulli ex sodalibus, qui putent rationem eam, qua consociatio fungi creditur, perplurimis nostrum a consiliis capiendis sua sponte absentibus sepositisque, nimis rígida et quasi officialis progredi, qua enim causa in votis est ut multa sodalium pars quam maxima potest habenas eas quas aliquando solvere et dimittere voluit suis manibus denuo teneant gubernentque, quae omnia non sine magno consociationis totius beneficio emolumentoque fore credimus. Constitutum est paginam nostram interretialem optimum esse instrumentum ad res quaslibet sive decernendas sive evulgandas paratum.

Quod ad alia incepta huius anni capienda attinet, visum quoque est excursionem eam, quam anno praeterito circum muros Romanos urbis nostrae lustrandos tanto delectamento iucunditateque perfecimus, mense Maio proximo iterandam eo autem modo ut aliam urbem eamque non satis remotam percurrendam petamus.

Ut non flocci illud ducamus, quod nostra in urbe Institutum Biblicum et Orientale iam quattuor annos sua perduxit consilia necnon proposita destinata, cuius scopus ultimus illo tendere videtur, si cultum atque humanitatem eam, quae ab incunabulis humani generis totius originem ducit, ubique quam late fusiusque quam potest evulgare valeat, nonnulla incepta eaque humanissima pulcherrimaque quadam consociatione quasi constituta nos omnes sive Societatem sive Institutum qui curamus una persecuturos alienum non videtur: adde etiam illud, quod quidam est apud nos magister qui suas quoque apud Biblicum scholas agitare solet, quae optima videtur occasio ad quaedam consilia conficienda, acroases quasdam nempe sive alias huiusmodi res.

Quarum omnium rerum quae impleta erit pars, quae vero inanes evaderint res ad tempus iam aperiemus explicabimusque. Hactenus enim hodie.

Valeatis omnes sodales maximam qui operam linguis navatis nostris!

De proximo nostro conventu primo huius anni agendo

2010-11-04T14:04:00.000-07:00

Nuntio vobis, eis nempe qui operam Societati Hispanae Studiorum Classicorum datis, proximo die 17 mensis Novembris, die scilicet Mercurii, novum ad hoc studiorum spatium quod attinet celebrandum conventum, in quo occasio acroasis auscultandae necnon nos denuo conveniendi omnes erit, quibus lingua Latina Graecaque earumque cultum cordi est.

En vobis chartam, qua adhibita omnes certiores fieri possitis.

Venite ad nos, sodales, frequentiores quam potest!

De novis certaminibus eisque classicis apud nos celebrandis

2010-11-04T13:52:00.001-07:00

Nostri praesidis iussu secuto, vobis omnibus de novis apud nos certaminibus celebrandis nuntium praeconiumque affero, quod speramus ita animos et vestros et discipulorum discipularumque moveat ut plurimi qui tantius humanitatis rixas participare velint enumerentur.

Accipite enim infra documenta nonnulla, certiores fiatis atque liberrimo animo semper faciatis!

De certaminibus apud Legionenses agendis

De conventu nostro postremo

2010-06-06T08:03:00.001-07:00

Die 3 mensis Iunii in lyceo c. n. Iohannes Enzina Legione in oppido sito haud parva convenimus frequentia sodalium. Qui libentissime explanationes de urbis antiqua origine auscultamus necnon imagines nonnullas conspeximus, quae postea mente tentae ad iucundum iter faciendum atque vestigia Romana Legionensia lustranda multum valuerunt.

Fuit profestrix nomine Blanca Fernández nostra in Universitate archaelogiae operam dans, quae clare distincteque cum argumentum monstravit, tum excursionem circum murum ceteris maxima intentione adhibita comitantibus duxit. Duas per horas excursione perducta popinam quamdam tandem petivimus atque inter pocula nos in proximum valediximus sodales qui nostram Legione Societatem amamus curamusque.

Valeatis omnes in proximum!

De Legione Romano oppido lustrando deque quibusdam aliis

2010-05-19T06:59:00.000-07:00

Proximo die 3 mensis Iunii, die nempe Iovis, Societas nostra excursionem ad murum vestigiaque eademque Romana lustranda Blanca Fernández duce, quae profestrix nostra in Universitate archaelogiae dat operam, institui iubet, cuius nuntium necnon praeconium multum vobis praebere iuvat.

Conspicite chartam infra, quo plura scire valeatis

SEEC

Nuntiatur quoque Cursus Aestivus ille, quem persequendi noster iam est mos, qui mense proximo Septembri ineunte quattuor per dies celebrandus idemque hoc anno arti musicae ad mythos classicos quod attinet plane dicatus nobis perducendus est.

Curso de Verano ULE

De proxima Societatis sessione habenda

2010-04-28T10:47:00.001-07:00

Praeside nostro iubente placet vos omnes certiores facere sessionem Societatis eamque postremam ad cursum hodiernum quae pertinet die 12 mensis Maii dis omnibus iuvantibus fore.

Quae in aula magna, quam dicunt, Facultatis nostrae hora quinta postmeridiana ineunte initium capiet, multis magistris discipulisque congregatis -quod in votis est!- praemia ea bene merita recepturis ad certamina varia pertinentia. Duae enim acroases erunt, quarum alteram Petrus Emmanuel Suarez professor titularis linguae Latinae in Universitate Ovetensi, alteram eamque brevissimam Ansgarius Legionensis habebit.

Conscipicite infra chartam, quo amplius scire valeatis.

SEEC 12-V-2010

De Emeritensi conventu nuperrime habito...

2010-04-16T08:06:00.001-07:00

De nona Cursus sessione...

2010-04-06T08:33:00.001-07:00

De octava Cursus sessione...

2010-04-06T08:31:00.000-07:00

Etiam de Cursu adhuc...

2010-04-04T09:45:00.000-07:00

De Cursu nostro progrediente...

2010-04-04T09:43:00.000-07:00

De imaginibus nonnullis

2010-03-09T10:49:00.000-08:00

Ecce imagines nonnullas ad quartam Cursus sessionem pertinentes, quibus pars eius diei continetur postrema. Multis earum mendis praetermissis ignotisque, vobis placeant valde cupimus.

De duabus postremis Cursus sessionibus

2010-02-16T05:15:00.000-08:00

Diebus Lunae primo necnon octavo mensis Februarii superioribus sessiones singulae celebratae sunt, quas sodales sueti participaverunt, addito nonnullo alio primum adhuc convenienti.

De quibus rebus? De scholis nostris, quomodo ipsi cottidie in eis versemur aliquantulum amplius tractare perreximus, iam mox ad alia nova nos contulimus: de humano enim corpore deque eius partibus formaque nonnulla diximus, unde recta ad indolem atque ingenium nostrum describendum (id quod alteram per totam sessionem proximam argumentum nobis sustinendum esse constat) statim transgessi sumus.

Superiore quoque sessione id quod nunquam adhuc fecerimus fecimus: rogatus cum essem a sodale quodam (qui proh dolor abesse a coetibus nostris varios per dies causa munere fungendi coactus est) ut sessiones habendas imaginibus exciperem, totam postremam excepi sessionem, quarum nonnullas hic monstro imagines, ceteras alias, easque visificas vivasque, id est, motu praeditas, mox inserere me conaturum promitto.

Et quid in proxima tractandum? De domo enim nostra deque familia quoque describenda, qua scilicet in urbe, qua in eius parte, quo in aedificio habitemus, qualibus quotque e membris gens nostra constet, qualem speciem domus nostra eiusque variae partes praebeat, alia simillima tractanda nobis putamus, illo autem sane comperto necnon servando, quod moderator tacere, participes autem magis ampliusque quam adhuc fecerunt colloqui debent..!

Gaudio permulto nobis aliquot novos sodales erit numerare, qui sessiones nostras futuras participare vellent . Nolite non venire...! Favete enim linguis: Latine usurpandum...!

De altera CVRSVS sessione

2010-01-30T02:24:00.000-08:00

Die 25 huius mensis, die scilicet Lunae, secunda nostri cursus sessio fuit, quam varii sodales participaverunt: Carmen, Maria Iesus, Pilar, Gilda, Carmen, Marcus Antonius, Petrus egometque Ansgarius adfuimus.

De argumento tractato si quis roget en: primum omnium de certo definitoque calendario nostro, quod iam e Lunae diebus singulis in novenis septimanis adhibitis prosequentibusque usque ad finem mensis Martii prorsus constabit; de instrumentis auxiliisque nobis ad cursum persequendum adhibendis; de itinere Legionem Aloisio Miraglia faciendo, quod iam ad diem undecimum mensis Februarii ipso Miraglia admonente suadenteque locavimus et constituimus; de argumento ad superiorem sessionem quod attinet recensendo.

Et quid amplius? Iam enim novam provinciam explorare conati sumus: de vita scholari, quo enim pacto fingere mente nostra possimus actiones sive imperata ea, quibus nos in scholis qui plerumque versamur, frequentius uti solemus. Quod non sine multis imaginibus iuvati fecimus, id quod periucundum amoenisimumque fieri solet. Adde etiam illud, quod postrema in parte sessionis imaginibus aliquot ducibus eis, quas e pellicula notissima illa cui titulus "De mortuorum poetarum sodalitate" deprompserimus, eas sive commemorare sive agere, totasque enim Latine ex tempore conversas et prolatas, temptavimus tali modo ut, tempore deficiente, multum adhuc laboris perficiendum in proximum diem restaret...

Convoco enim vos omnes, sodales comitesque nostros, ad novam sessionem, quam die Lunae primo mensis Februarii Deo iuvante celebrabimus. Stilos acuite, tabulas parate, animos advertite: Latinum usurpandum est!

De prima CVRSVS sessione habita

2010-01-23T03:57:00.001-08:00

Salvete omnes amici sodales participes comitatesque qui estis!

Iam CVRSVS noster initium cepit, neque infauste, ut opinor...! Octo enim participes adhuc computantur, alii autem exspectantur. Adde illud, quod nonnulli sunt qui non tam bene aut diem meminissent aut eis hora tam apta conveniendo evaderet, eo quo fit ut verisimiliter novi sodales progredientibus diebus nobis addantur.

Et quid de nobis? Maximo gaudio Rodericum nostrum, is qui Societati Latinae Vallisoletanae praeest eamque moderatur excepimus, cuius linguae Latinae peritia multum omnes nos iuvit.

Quod ad curriculum cursus attinet, primam sessionem ad eius rationem, quomodo enim tempora eius dividenda, auxillis subsidiisque utendis, cetera alia adhibenda, explanandam dicavimus, denique autem formulas rationesque salutandi valedicendique tractavimus tali animo adhibito ut numquam melius ampliusque...

Proximam enim sessionem vobis omnibus iam nuntio die 25, Lunae scilicet die, hora locoque suetis habendam.

Veniatis! Loquamini! Valeatis quam optime!

De CVRSVS VIVAE LATINITATIS ineundo

2010-01-17T09:29:00.000-08:00

Die 18 huius mensis, die nempe Lunae, CVRSVS noster deis deabusque omnibus iuvantibus hora septima postmeridiana in auditorio scholastico c. numerus 3.1 (ad lyceum nomine Iohannes Enzina quod pertinet) suum capiet initium sessione adhibita ea, qua introductiones debitae fient, calendarium certum sive lectionum sive exercitamentorum instituemus atque de variis tractabimus secundum argumentum illud hac in pagina consulendum.

Die autem 21, die Iovis, subsequenti altera erit sessio discipulis participibusque eis destinata variis de causis primae sessione interesse qui non potuerint easdem ad res tractandas atque in sessione prima.

Sive ad primam sive ad alteram sessionem quilibet advenietis scitote nos ex animo vos exspectare! Moram nullam faciatis!

De CVRSV VIVAE LATINITATIS nuntiando

2009-11-11T11:14:00.000-08:00

Gaudio permagno mihi vobis quibuslibet nuntiare proximo mense Ianuario ineunte CVRSVM VIVAE LATINITATIS quae dicitur nostra in urbe omnibus deis deabusque iuvantibus fore. Quem ad cursum omnes vos, quibus lingua Latina cordi est, invitamini!
Ecce praeconium necnon schedula, quibus certiores esse atque cursum participare perfacile valeatis.

Cursus Vivae Latinitatis

Schedula Cursus Vivae Latinitatis

Sive tiro sive peritus linguae sis Latinae, bonum animum habeas, venias et una de multis praesertim cottidianis Latine colloquamur! Quidni...?

¡Bienvenidos a nuestro blog!

2009-10-25T16:45:00.000-07:00

Salvus sis, Iesu!
Ecce novum blogum nostrum, quo nuntios praeconia ceteraque omnia ad Societatem Hispanam Studiorum Classicorum quae pertinent (apud Legionenses) edere possimus.

Agitur in praesentia de exemplari sive prototypo, quod dicitur. Restat ut socii Societatis dicant utrum forma eius necnon dispositio eis placeat necne. Quod ad tempus comperietur...

Valeas semper!